Camden Town

Open Now

Now Closed

今日原本上午都落大雨，下午好天番就出發去西貢海邊行下，睇下狗仔，唔好晒左個假期。上黎睇過食評做過功課，好多人都食炸魚薯條，就叫呢個。難得放假就俾自自已嘆番杯啦。唔係講笑，呢個蘑菇湯真係不得了，又大碗又好足料，啖啖新鮮菇菌味，飲落仲有粹粒粒口感，我覺得呢個反而係必嗌。主菜炸魚薯條，有我鐘意食既粗薯條，脆。主角炸魚都炸得好脆。魚係厚肉個隻，無雪味，夠晒味，加埋他他醬酸酸地好好食。原本想叫白酒忌廉汁藍青口，點知賣晒。。最後叫左牛肉飽。無乜驚喜。包有d似嘉頓，牛肉都叫juicy，水準ok 啦，不過下次都係食第二d。