花斑茶社 (Smithfield Walk) (Closed)

一間沒有華麗裝潢嘅小店，但見到超多人排隊，所以就走咗去湊熱鬧。除咗做醫護人員有八折嘅優惠之外，因為母親節關係，買滿$50有得送輕菓茶未講飲品質素之前，一定要大讚下店員嘅服務態度！雖然人多，但店員都唔會話好炆憎，反而好有耐性解釋同埋介紹產品！由於珍珠奶茶真係度度都有，所以今次想試吓啲特別啲，就叫咗杯烏龍奶茶。雖然係正常甜度，但係可能佢夠茶香，所以都唔會令人覺得好甜膩，好飲！包裝仲好得意添。另外再叫咗杯紅豆奶茶，紅豆軟綿綿得來唔會話好爛，依然好有咬口，清清地都好好飲。