Warren (Closed)

成日都係銅鑼灣，灣仔搵嘢食，搵到都唔知食咩好於是今次行遠遠少少到大坑覓食行到腳仔軟，見門口簡單樸素，少少歐陸風盲中中就入左去原來呢到係食法國餐，好彩女朋友呢排愛上法國菜免受一死法國餐前總有一個面包籃，廚師自己新鮮製作既面包，鬆，脆，香，包含哂係一片面包中配上黑松露牛油，黑松露香味飄揚，食完一段時間都仲有黑松露味係口入邊。頭盤揀左個“香煎法國鵝肝配芒果甜酸醬”嫩滑既鵝肝撒上海鹽，大火煎至表面焦脆，但內裡剛剛好成熟，入口表面香口帶少少咸，香脆過後帶來一陣鵝肝既油香，入口即化。加上芒果甜酸醬，甜酸比例平衡帶有芒果香味，為鵝肝消去油膩感之餘，更增加食慾。而湯選擇左比較傳統既“法式洋蔥湯”法式高湯放入大量洋蔥、香料，大火清燉，洋蔥既香甜溶化入湯中，而辛辣味揮之而去。上菜時放左一片面包，吸收左湯先再食，別有一番風味。主菜就點左“慢煮西班牙豬肩配蘋果醬”原來豬肩係可以做到鬆化軟綿，肉味愈咀嚼愈散發，無需多餘既調味，仍可以完全無油膩感配上廚師炮製既清甜蘋果醬，塗上豬肩上，猶如披上一層糖衣，清甜味更肉味濃厚。配菜亦用上牛油調理，少少牛油既香味，唔會做成負擔之餘更令豬肩不再單調。甜品係“法式焦糖芝士蛋糕”