泰金香小廚 (Moved) New Location

呢間泰國菜，我由中學就已經開始食lo,正宗又平又正!今日又係呢頭附近，所以同男朋友回味一下中學回憶!餐廳裝修好平民化，沒有靚一靚既裝修，但我覺得只有食物係好食、乾淨就可以了lol餐廳既布廉都貼滿食物既相哦冬蔭雞絲湯河($35)雖然睇落紅卜卜，但其實冬蔭公湯底唔係太辣，又夠酸，仲有好香既泰國香科味，我好鍾意飲少少湯，再食入面既通菜lol 雞絲份量都唔少架，而且非常入味。河粉有哂冬蔭公d味，但唔會煮到爛哂，非常有口感，正!!菠蘿炒飯($41)每次去泰國餐廳，我一定會叫菠蘿炒飯lol 因爲我好中意食菠蘿，而且入面有好多好食既配料~今次入面有大大粒菠蘿、腸仔、肉鬆、青豆粒和蘿蔔粒。味道相當唔錯，飯炒得金香，同配料match得剛剛好。