二悅

Open Now

Now Closed

今次食元朗一間好用心既小店，間舖頭位置係小巷中間，一開頭跟住google map搵間舖時都差啲蕩失咗路，行多左條街。店舖睇落唔大，坐到3至4枱左右既客人。晏晝2點去到，好彩咁岩有枱客人食完，唔洗等好耐就有得食啦。我同友人分別叫左一個兩食既牛肉麵同乾撈麵。首先講下個湯先，好重牛骨味，老闆娘叫我地飲一啖湯食一啖麵先再決定加唔加啲湯落碗麵度。然後到啲牛肉，因為係半筋半肚（牛肚），我覺得個牛肚就比較難咬，不過反而牛筋係入口即溶。正呀！