一虎 (Closed)

喺中環食lunch 就多，食晚餐真係比較少。今日幾個朋友都咁啱去中上環，就約埋一齊，當中有個朋友好鐘意食拉麵，佢揀咗呢間嚟食。店舖細細，門口亦唔起眼，夜晚時段嘅中上環比中午輕鬆得多。。。經店員介紹，我地點咗一虎拉麵，海老虎拉麵，黑虎拉麵，再加忌廉蟹肉餅，自家制餃子同自家制炸雞。一虎拉麵，係最多人點嘅拉麵，濃厚嘅湯底加上非常掛湯嘅捲曲麵，真係配搭得好合適。海老虎拉麵，一嚟到就已經聞到好香嘅蝦味，再飲一啖，真係好驚訝！海老虎係喺原有湯底加秘制蝦味醬再加櫻花蝦，好特別！黑虎拉麵，一睇就知湯底係黑蒜油。味道濃郁而不太膩，鐘意蒜味嘅朋友一定要試！至於小食，炸雞都好食，外脆內軟。餃子就正正常常，忌廉蟹肉餅食唔出有蟹，只有一大泡忌廉。