Video
Read full review
2024-03-30
43 views
本來諗住復活節假期開始，北上一日遊，點知見到新聞話過關人數勁多，嚇親！既然去唔到，留返喺香港都食啲大陸出名食店先🤣我哋去佐敦農耕記 佐敦地鐵站出咗之後好快就到，喺裕華國貨附近農耕記承傳正宗湖湘風味, 有原汁原味的湖南特色小菜與食材店內職員招呼周到,主動同我哋介紹春季嘅新菜式。我哋叫咗小笋炒臘肉 雪豆酸菜肉沫 香椿炒鴨蛋 糍粑油條 泰國茉莉米飯招牌檸檬茶（我哋兩個係咪太大食呢🤣）小笋炒臘肉 呢度每一項餸菜都好有鑊氣！小笋炒臘肉上枱個陣仲好香辣椒味！肉充滿充滿油脂香，有嚼勁，笋好爽口，平時好少喺香港食，初頭怕唔習慣，點知最後清晒全部🤣小笋炒臘肉係非常好嘅配搭！雪豆酸菜肉沫 呢個餸勁好撈飯！我老公好鍾意食雪豆，我就鍾意食酸菜😊 雪豆加埋超好食嘅酸菜同埋肉碎，整體感覺好有唔同嘅口感！呢味餸都特別有屋企嘅感覺😊香椿炒鴨蛋 同之前兩個惹味小菜相比，呢個就相對溫柔少少，鴨蛋好夠香，應該用咗好靚嘅鴨蛋先炒出呢個軟綿綿嘅感覺😊甜品有糍粑油條😊超級軟綿綿！外面嘅芝麻好香口，食落口暖笠笠鹹鹹香香，小朋友同大人都一定好鍾意食呢個招牌檸檬茶檸檬茶勁大杯！初頭好怕飲唔晒，但最後都全部飲得晒，哈哈！因為食濃郁香辣嘅
既然去唔到，留返喺香港都食啲大陸出名食店先🤣我哋去佐敦農耕記
佐敦地鐵站出咗之後好快就到，喺裕華國貨附近
農耕記承傳正宗湖湘風味, 有原汁原味的湖南特色小菜與食材
店內職員招呼周到,主動同我哋介紹春季嘅新菜式。我哋叫咗
小笋炒臘肉
雪豆酸菜肉沫
香椿炒鴨蛋
糍粑油條
泰國茉莉米飯
招牌檸檬茶
（我哋兩個係咪太大食呢🤣）
小笋炒臘肉 呢度每一項餸菜都好有鑊氣！小笋炒臘肉上枱個陣仲好香辣椒味！肉充滿充滿油脂香，有嚼勁，笋好爽口，平時好少喺香港食，初頭怕唔習慣，點知最後清晒全部🤣小笋炒臘肉係非常好嘅配搭！
雪豆酸菜肉沫
呢個餸勁好撈飯！我老公好鍾意食雪豆，我就鍾意食酸菜😊 雪豆加埋超好食嘅酸菜同埋肉碎，整體感覺好有唔同嘅口感！呢味餸都特別有屋企嘅感覺😊
香椿炒鴨蛋
同之前兩個惹味小菜相比，呢個就相對溫柔少少，鴨蛋好夠香，應該用咗好靚嘅鴨蛋先炒出呢個軟綿綿嘅感覺😊
甜品有糍粑油條😊超級軟綿綿！外面嘅芝麻好香口，食落口暖笠笠鹹鹹香香，小朋友同大人都一定好鍾意食呢個
招牌檸檬茶
檸檬茶勁大杯！初頭好怕飲唔晒，但最後都全部飲得晒，哈哈！因為食濃郁香辣嘅餸菜，呢杯檸檬茶真係可以做到一個好好嘅配合。檸檬茶嘅味道係溫柔嘅酸酸甜甜感覺，最鍾意佢好夠冰凍😊食辣嘢嘆住冰凍嘅飲品真係好正
午餐嘅尾聲，飲返佢哋餐廳提供嘅熱茶其實都感覺好好！佢哋嘅茶好特別，甜甜地，好香的，感覺潤喉，忘記問店員係乜嘢茶🤣可能係湖南嘅特色茶
食完之後真係有個肥肚腩🤣哈哈🤣實在係好好食
滿足嘅假期午餐！如果下次多啲朋友嚟到，可以分享更加唔同嘅菜式就更加正！
仲有呢度嘅環境都坐得好舒服，佈置都好有
特色，非常加分
Post
