RuRu Tapas Restaurant (Closed)

前嗰排去咗奧運嗰邊行，奧海城嗰邊都真係幾多嘢行，但我留意到原來嗰邊附近都好多特色嘅餐廳，尤其係都幾多西班牙菜，我朋友話帶我去食啲新嘢，所以就黎左呢一間餐廳。嗰日我哋嗌左一碟西班牙辣椒仔，西班牙蛋餅同香辣大蝦意大利麵。呢一餐都幾有驚喜，而且都坐得舒服，服務都好好。西班牙辣椒仔本身一開始驚有啲辣，但食落口之後發現係甜嘅，而佢係用鹽去烹調，所以成個辣椒仔反而係咸甜嘅味道。西班牙蛋餅蛋餅入邊有薯仔洋蔥等等，最特別嘅係佢上面有西班牙風乾火腿，份量都幾多，冇諗過味道都幾夾。香辣大蝦意大利麵一開始食落口的確係有少少辣，但係係可以接受到嘅程度，意大利麵好彈牙，大蝦食得出好新鮮。