滔滔甜品

Open Now

Now Closed

行完街又熱又攰，最好食個冰凍馬蹄露，點知真係見到有！佢地個潮式腐竹馬蹄露，好清甜，唔係嗰種只係識落糖嘅糖水。有啲馬蹄露會將啲馬蹄切到好細，咁會失去左馬蹄夾口嗰種口感，但佢地做得好好，馬蹄個大小適中，配合地啲腐竹，個賣相同個口感都好好。見佢地雖然主打傳統糖水，但都係加左唔少心思，例如佢地有遠年陳皮紅豆沙，下次去要試下。食得出係好用心做。舖頭都有好多小裝飾，成個感覺好舒服，而且亦唔算貴。我哋入去嗰陣佢啱啱開舖，到食完已經枱枱都有人。