川府宴 (Closed)

呢幾日天氣焗到暈，想食四川菜刺激下味蕾有番d胃口，去到銅鑼灣永光中心，望咗一陣水牌最後鎖定頂樓「川府宴」。 先黎前菜 蒜泥白肉，薄切白肉，肥瘦脂肪比例各半，厚度有如燈影牛肉相當剔透，用白肉包住蒜蓉辣椒青瓜片一口一啖， 用清爽青瓜中和蒜泥嘅微辣，去掉肥膩感，清新正宗食法。涼拌萵筍絲段切真係考刀功，少鹽少油去炒夠晒健康， 簡單一道菜最重要食材夠新鮮。泡椒安格斯牛柳，肉嫩冇筋，夠鑊氣，泡上辣椒快炒，越食越開胃要加番碗白飯先得。如果想食川菜 又想揾一間私隱度高嘅餐廳，不妨試下呢間，不過留意座位唔多，建議黎之前最好先預約！