旬鮮 海宝

Open Now

Now Closed

新開的日本料理店，服務員及廚師也是日本人，感覺好好，環境都好適合食日本野，因為好優雅同清靜。食物方面呢，就係好新鮮。魚生好新鮮，我哋今日叫咗omakase，最好食嘅呢就係個生蠔，日本三重縣產嘅，我本身唔鍾意食生蠔，但係隻生蠔真係好好味，佢又大隻啦，又新鮮啦。另外魚生刺身有好多全部都好新鮮（我唔記得全部乜嘢名啊，記得有金木鯛、拖羅、伊佐木、海膽等等）仲有幾款魚係今日新鮮運過嚟嘅。另外，個燒魚juicy到不得了。最後個甜品其實本身都冇乜特別期待嘅，都係雪糕嚟嘅啫，但係呢我揀咗個開心果嘅雪糕，佢每一啖都有好多開心果粒喺入邊，味道不太甜啱啱好，我估係自製嘅。