Notte (Closed)

今晚同朋友來到這間可以望到海景的餐廳食飯，環境非常好，而面對的景色亦都好漂亮，個人認為好岩couple啲慶祝活動去。我地點的set有5個course，先上的係餐廳自制的麵包，食落好鬆軟，唔係好食到防腐劑，好fresh。之後上的係涷食的鮑魚，個人食落覺得幾特別，但又稱唔上極好食。不過我覺得之後上的粟米蟹肉湯好好味，栗米同蟹肉的味道好夾之餘，個湯的濃度岩岩好，唔會太咸。之後上的係蘋果木燒牛肉，廚師燒到5成熟左右，岩岩好可以吊得出肉汁，同埋咬落都淋身的，可以食得出用的牛肉質素高，煮的火侯亦岩岩好。最後上的甜品係芝士蛋糕，都係餐廳自制，芝士味好濃。