CHI Tachinomi (屯門市廣場) (Closed)

去巿中心食飯，猶豫緊食邊間好之際，竟然比我發現到呢間食店，見到個名都估計到係食日式料理。店內雖然裝修簡單，但又真係滲出淡淡仿如身處日本的感覺。員工服務態度非常好，絕對值得一讚。定食set餐，包小食同飲品，如果想選擇某些特定的串燒就只需要加錢，價錢一啲都唔貴，幾經濟實惠。大阪牛肉定食- 牛肉炆到好淋，配上濃濃的牛肉汁，非常唔錯。油甘魚餃定食 - 油甘魚好香，完全食到條魚的鮮甜，仲要啖啖肉，令人回味。飯糰 - 最喜出望外是這個，外層燒到好香口好脆，咬落去仲有我最愛的紫菜同芝麻，真係太好食。燒玉子（set餐包埋）- 燒到剛好，沒有太乾太老。燒牛舌 （set餐加錢）- 牛舌厚身，有口感，充滿肉汁。整體來講，是很值得支持的一間食店，小本經營，但感受到各方面都很有誠意。