Co-Dining Space (Closed)

今日有朋友介紹嚟呢間餐廳，上到去覺得地方整潔，不過地方唔大，一眼睇晒，好彩我地預先訂左位，如果唔係都未必有位。雖然我地訂左位，但由於早到左，所以未能安排坐窗邊梳化位，只可坐Bar枱。不過Bar枱都唔錯，枱下面放左個大籮可以比客人放袋，好似我咁成日鍾意孭住個大背囊出街都冇問題，好容易就放到落去啦。揀完嘢食好快就嚟到，唔洗等好耐。啲侍應都好好人，雖然見到佢哋好忙，但係對每一個客人都係好有禮貌。煙三文魚凱撤沙律 $78我最愛既煙三文魚呀，正~西班牙黑毛豬串燒配甜蕃薯條 $168D黑毛豬食起上黎味道有D似牛扒，不過真係好好味。啲幼薯條係用甜蕃薯切成嘅，既好味又特別。美國有機大啡雜菌意大利飯 $118大啡菇真係好大隻，上面仲裝住少少湯同埋芝士碎。熱榛子咖啡 $32 、熱榛子牛奶 $32榛子牛奶睇落去就好似一杯熱鮮奶，飲落去就有淡淡既榛子味同埋奶香溝埋。** 咁啱我去嗰日坐窗邊嗰三張枱嘅人都係慶祝生日，我見佢哋放左件cake 嗰隻碟都有寫住happy birthday，但係我就冇問到係咪生日會有嘢送呢。如果你哋都係生日嘅話可以預早打去問下嘅。