Video
Read full review
2020-03-04
302 views
之前坐巴士經過石硤尾，見到有間新開嘅小食店幾光猛。今日Lunch就同同事行過嚟買外賣試下，小食店係一眾舖仔入面最多人幫襯嘅👏。我哋睇緊有乜食之際，有個後生仔同我哋「介紹返」，我仲以為佢都係客人等緊嘢食😆。後生仔應該係老闆，佢同我哋介紹呢到嘅🐓雞類食品係最出名，例如蔥油雞扒等等。其實基本上呢到每樣食品佢都好落力簡介，比起Omakase師傅更為詳細同真誠🙈。皆因小店一月先開張，但就遇上疾情問題，所以佢只能夠加倍努力💪，希望襯呢個時世做多啲街坊生意。經老闆介紹下，我哋嗌下嗌下都嗌咗唔少嘢食🤤，好彩有大媽喺到，全部食得哂。見老闆咁落力，雖然我哋買外賣，但都襯食物新鮮滾熱辣整好嘅時候，影張相幫佢宣傳下。炸雞髀🍗($18)，勁大隻喎！我哋落單後，見住呀姐即刻拎去生炸。外皮幾脆，雞肉唔淡，不過雞皮某啲位鹹咗少少，啲鹽可能灑得唔夠均勻。沙嗲牛撈一丁🐮($21)，本身老闆極力推介蔥油雞扒，但我哋已經嗌咗雞髀，所以要沙嗲牛；不過老闆都堅持加啲蔥油俾我哋試下XD。呢到嘅沙嗲牛好高質，個汁好好食好濃，同事話係用咗沙茶醬，同平日普通嘅沙嗲有啲唔同喎。另外，牛肉份量好多，肉片好嫩同好大片！麻辣手撕雞米線🐔($32
之前坐巴士經過石硤尾，見到有間新開嘅小食店幾光猛。今日Lunch就同同事行過嚟買外賣試下，小食店係一眾舖仔入面最多人幫襯嘅👏。我哋睇緊有乜食之際，有個後生仔同我哋「介紹返」，我仲以為佢都係客人等緊嘢食😆。
後生仔應該係老闆，佢同我哋介紹呢到嘅🐓雞類食品係最出名，例如蔥油雞扒等等。其實基本上呢到每樣食品佢都好落力簡介，比起Omakase師傅更為詳細同真誠🙈。皆因小店一月先開張，但就遇上疾情問題，所以佢只能夠加倍努力💪，希望襯呢個時世做多啲街坊生意。
經老闆介紹下，我哋嗌下嗌下都嗌咗唔少嘢食🤤，好彩有大媽喺到，全部食得哂。見老闆咁落力，雖然我哋買外賣，但都襯食物新鮮滾熱辣整好嘅時候，影張相幫佢宣傳下。
炸雞髀
$18
22 views
0 likes
0 comments
炸雞髀🍗($18)，勁大隻喎！我哋落單後，見住呀姐即刻拎去生炸。外皮幾脆，雞肉唔淡，不過雞皮某啲位鹹咗少少，啲鹽可能灑得唔夠均勻。
沙嗲牛撈一丁
$21
28 views
0 likes
0 comments
沙嗲牛撈一丁🐮($21)，本身老闆極力推介蔥油雞扒，但我哋已經嗌咗雞髀，所以要沙嗲牛；不過老闆都堅持加啲蔥油俾我哋試下XD。呢到嘅沙嗲牛好高質，個汁好好食好濃，同事話係用咗沙茶醬，同平日普通嘅沙嗲有啲唔同喎。另外，牛肉份量好多，肉片好嫩同好大片！
麻辣手撕雞米線🐔($32)，我哋都驚拎到返去米線會淋咗同脹哂，好彩無。老闆問我哋食唔食得辣，佢話佢哋秘製嘅”麻辣”辣過”辣”，所以跟佢要咗”辣”；但食落其實都幾辣下🌶，勉強頂得順。啲辣係撈落手撕雞到，而唔係個湯底，如果乾撈米線效果可能更佳。
特製豬扒包
$25
13 views
0 likes
0 comments
特製豬扒包🐷($25)，呢個包又係老闆誠意推介，佢好講究包同餡料嘅配合。包包一定要新鮮食，先食得出成個組合嘅精華所在。包包外脆內軟，入面好多沙律醬，連埋蕃茄、生菜同豬扒食，正👍。
煎釀三寶🍢($10/6件)，呢個真係超抵食，雖然比較細件，但比平日多款式，更加繽紛。呢到係五寶，包括青椒、茄子、豆腐、紅腸同未見過嘅蟹柳！味道唔錯，不過釀魚肉厚啲就好。
炸多春魚🐟($14/4條)，因為請埋其他同事食，所以要咗兩份。呢個就正正常常啦，無乜特別。
總括嚟講，呢餐真係好豐富，食到好飽，而且每樣食物味道都幾好😋。大部份都係香港傳統小食，但同時加入咗小食店嘅自家製心思。再者，定價非常平，份量多，啱哂做附近居民同學生生意；希望學校快啲復課，小食店客似雲來。畢竟睇得出老闆有花心機設計菜式，例如佢話呢度賣埋米線係因為學生鍾意食米線多過飯，另外仲有賣日式小食如炸蝦同冷麵，以切合客緣口味。最後，我發現呢間小食店係撐香港人的店💛。
Post
