Video
Read full review
2019-11-01
887 views
車仔麵相信每個香港人都應該會食過，近排喺網上睇開車仔麵嘅資料同新聞，同朋友出開街咁啱就有一間心儀既車仔麵鋪頭係附近，所以就入咗去試下。內裏環境幾乾淨，而且重有電視睇添 😁 車仔麵鋪頭黎講叫做幾舒服下 ; 除咗車仔麵之外，其實重有六款套餐比你揀，同埋門外重有肉燥飯、碗仔翅、生菜魚肉同其他小食。自己揀咗都幾抵食既六寶麵餐，任選六款餸連豆漿都只係 $48 ; 叫咗豬紅、豬腸、牛坑腩、溏心蛋、大魚旦、漿爆牛丸配河粉，河粉份量幾大碗，而且幼身得嚟幾滑口 👍🏻 加埋啲餸亦幾多同味道幾好，食完飽到想死。朋友叫咗午餐肉、溏心蛋、雞翼配烏冬，雖然同六寶麵餐價錢差唔多，不過就每樣餸都有兩件，咁樣都算比較合理；朋友請咗我食塊午餐肉，午餐肉用咗蜜糖煎之剩重要係厚切 🤤 好好食。鍾意食辣嘅朋友仔呢個辣菜脯真係要試吓喇，夠香又夠辣 👍🏻 食完之後坐咗一陣，留意到原來小店有向長者免費派發麵券既報紙報導，懂得無私奉獻回饋社會，真係一間有良心既小店。
內裏環境幾乾淨，而且重有電視睇添 😁 車仔麵鋪頭黎講叫做幾舒服下 ; 除咗車仔麵之外，其實重有六款套餐比你揀，同埋門外重有肉燥飯、碗仔翅、生菜魚肉同其他小食。
自己揀咗都幾抵食既六寶麵餐，任選六款餸連豆漿都只係 $48 ; 叫咗豬紅、豬腸、牛坑腩、溏心蛋、大魚旦、漿爆牛丸配河粉，河粉份量幾大碗，而且幼身得嚟幾滑口 👍🏻 加埋啲餸亦幾多同味道幾好，食完飽到想死。
朋友叫咗午餐肉、溏心蛋、雞翼配烏冬，雖然同六寶麵餐價錢差唔多，不過就每樣餸都有兩件，咁樣都算比較合理；朋友請咗我食塊午餐肉，午餐肉用咗蜜糖煎之剩重要係厚切 🤤 好好食。
鍾意食辣嘅朋友仔呢個辣菜脯真係要試吓喇，夠香又夠辣 👍🏻 食完之後坐咗一陣，留意到原來小店有向長者免費派發麵券既報紙報導，懂得無私奉獻回饋社會，真係一間有良心既小店。
Post
