慢煮工業 (Closed)

放工經過有間紫色門口嘅餐廳，覺得幾特別，見到餐牌主力係慢煮嘅嘢食，價錢又唔貴，同朋友入去試吓餐廳嘅裝修幾有格調，少少工業風，員工都好友善咁招呼我哋，夠親切我揀咗個法式豬鞍，果然冇令我失望，成碟嘅賣相好靚，豬鞍好厚身，而且食落肉質唔錯，唔會用梳打粉乸過，味道一流，亦唔會太肥，而且仲配上我估係用紅酒浸過嘅啤梨粒，配搭新鮮，可以平衡肥膩感覺，值得一試朋友就揀左美國安格斯西冷牛扒，因為係慢煮嘅關係，所以冇得揀幾成熟，但上枱時發覺生熟度適中，唔會過熟，牛肉味唔錯，配上蒜頭牛油等配料好香，最特別係有隻鵪鶉煎蛋，細細隻好可愛連把刀都夠晒特別，似迷你斧頭職員推介黑松露芝士薯條，份量都幾大，最深刻係個醬汁，因為黑松露味道香濃，係我幾喜愛嘅食材，而且薯條面上有大量芝士碎，好好食甜品揀咗個比較特別嘅款式，係慢煮伯爵茶梨子🍐，賣相好靚，係成個去皮嘅啤梨，配上玄米茶雪糕，啤梨甜度適中，但我覺得可以再煮耐一點，要讚一讚個玄米茶雪糕，茶味夠香濃，配搭新鮮我揀咗杯荔枝接骨木梳打，味道好清新，適合夏天飲，亦唔會太甜，平時嘅餐廳比較少見嘅飲品朋友就揀咗支熱情果手工啤，酒中帶一點點果香，適合配上肉類飲我同朋友都覺得餐廳對食