Amici (Closed)

🔹 𝐀𝐦𝐢𝐜𝐢 🔹餐廳位於樓上地方cozy夠privacy，餐廳食材處理認真。不同時期都有時令set，今次第一次就試試長有既龍蝦餐☺️ 餐前先送上暖笠笠既餐包，好軟熟😋💙 藍水晶蝦薄片藍水晶蝦需要好多事前功夫，先將藍水晶蝦入袋，再用手拍，雪藏定型。上面有咸咸地既魚籽、飛魚籽同甜甜地既白酒啫喱點綴，幾種味道互相中和。💛 鰻魚鵝肝凍批最頂層有鰻魚汁啫喱，鰻魚同鵝肝一層層間住，有層次既口感。鵝肝好香，用左白蘭地處理，一啲都唔膩唔腥，平時唔食鵝肝既我都覺得唔錯。鰻魚厚身爽口。🦞 龍蝦濃湯師傅手打蝦丸，好濃龍蝦味。🍅 傳統俄羅斯雜菜湯正宗羅宋湯，紅菜頭加sour cream。🐟 烤龍蝦拼比目魚🐄 烤龍蝦拼美國頂級西冷兩個主菜都用左本地龍蝦，好香牛油味，龍蝦肉肥美彈牙，確實同一般出面食既多肉。比目魚剪得好香，皮脆肉嫩，不會出太多水。西冷煎得岩岩好👍🏻 伴碟有由Risotto 煎成飯餅，好特別。🍎 焗蘋果杏仁芝士撻配雲呢拿雪糕蘋果好爽，配有提子乾。佢既酥皮tart 係亮點，好鬆脆，餐廳用心處理，令蘋果酥皮湯上菜是不會吸入太多蘋果汁。