Video
Read full review
2010-11-06
38 views
今晚(6-11-2010 Sat)同男友出街食晚飯,我叫佢o係Openrice睇有扣佢想食o既o野,我諗起我save o左位於太子的馬家莊清真館,便告知男友,順便都叫佢再搵搵有咩o野想食.佢就搵到呢間,有特別o既攦粉,又有佢鍾意食o既芝麻糕,又多糕點,而且見呢o度有好多好評,於是決定o黎呢o度食.我o地搵到喇,坐低慢慢諗,由於呢o度有好多o野食,所以都諗o左幾耐吓.我o地先叫:1.$4.00一件o既芝麻糕黑漆漆o既芝麻糕,食落,真係好重芝麻味,但就比較黐口.味道: 4.5分2.$4.00一件o既杞子圓肉桂花糕呢個顏色比杞子桂花糕深,應該因為有圓肉吧,食落,杞子幾靚,唔錯,味道比普通杞子桂花糕濃,但我食唔出有圓肉味.味道: 4分3. $4.00一件o既蘿蔔糕一面煎到燶燶脆口,熱辣辣,有蘿蔔絲同蝦米,但食唔到太多o既蘿蔔味.味道: 3分5.$25.00o既炸墨魚卷攦粉,加$5.00要冬菇,要酸辣湯開頭得冬菇攦粉先到,但唔見炸墨魚卷,我諗應該係另上,但點解個女仔擺低時唔講?之後真係同我o既炸魚腐一齊到.男友覺得湯o既酸辣度平均;好出色.冬菇又腍又香;熱辣辣o既炸墨魚卷有三種口感,外脆,內裡o
佢就搵到呢間,有特別o既攦粉,又有佢鍾意食o既芝麻糕,又多糕點,而且見呢o度有好多好評,於是決定o黎呢o度食.
我o地搵到喇,坐低慢慢諗,由於呢o度有好多o野食,所以都諗o左幾耐吓.我o地先叫:
1.$4.00一件o既芝麻糕
黑漆漆o既芝麻糕,食落,真係好重芝麻味,但就比較黐口.
味道: 4.5分
2.$4.00一件o既杞子圓肉桂花糕
呢個顏色比杞子桂花糕深,應該因為有圓肉吧,食落,杞子幾靚,唔錯,味道比普通杞子桂花糕濃,但我食唔出有圓肉味.
味道: 4分
3. $4.00一件o既蘿蔔糕
一面煎到燶燶脆口,熱辣辣,有蘿蔔絲同蝦米,但食唔到太多o既蘿蔔味.
味道: 3分
5.$25.00o既炸墨魚卷攦粉,加$5.00要冬菇,要酸辣湯
開頭得冬菇攦粉先到,但唔見炸墨魚卷,我諗應該係另上,但點解個女仔擺低時唔講?之後真係同我o既炸魚腐一齊到.男友覺得湯o既酸辣度平均;好出色.冬菇又腍又香;熱辣辣o既炸墨魚卷有三種口感,外脆,內裡o既墨魚膠又有墨魚粒,唔錯,而墨魚鮮味.
味道: 4分
4.我就要$21.00o既炸魚腐攦粉,加$5.00要豬頸肉,要清湯
先飲啖湯,冇乜o野吖,睇吓配料,有木耳同豆角,有四片豬頸肉,平平無奇;熱辣辣o既炸魚腐呢,內裡唔太滑,都一般吧.
至於攦粉,我同男友都覺得佢外型似粗米線,但好彈牙同冇咁腍,口惑好啲.
唔好睇佢唔大碗,已經令我食得好飽,而男友就因為開胃酸辣湯,所以食晒成碗.
味道: 3.8分
之後我覺得我o地要清熱氣,與其出去食龜苓膏,倒不如o係o度食件綠豆糕,於是都叫o左同樣$4.00o既綠豆糕.
呢個我食得出有海帶,綠豆份量都多,男友話呢個最普通.
味道: 3.2分
6. $4.00o既眉豆茶果
係我記得男友話要食而叫o既,呢個係暖食,佢o地亦將個碟整暖,真係好體貼.男友整開佢,睇到有好多眉豆蓉,糯米皮薄同軟熟,眉豆係好味,但原來冇瘦肉’吊’住係會過漏.不過都好抵食.
味道: 4.3分
所有糕點都唔太甜,唔錯.
服務:
一入去已經有好好o既招呼,唯獨是係其中一個中年男士,唔知點解叫佢幾次寫o野,佢都唔應人,我望望佢著o既鞋,係水靴,啊,佢係執o野唔寫o野o既.但都可以應我o地,叫我o地等等,話搵人幫我o地落單o掛.
o係我o地最後加兩件o野時,佢就識幫我o地落單,可能佢聽到我o地講佢o掛.
落單o既另一個後生仔,佢態度都幾殷勤,OK o既.
所有凍食糕點都幫我o地切成四件,好體貼呢.
分數係4.5分o既.
Post
