Y Pasta (Moved) New Location

今日行開銅鑼灣，試下由朋友推介的樓上cafe，位於一間新格調的商廈入面。 內裏環境簡潔清新，白色主調配上彩色斑斕的壁畫。Lunch set有齊湯、主食、飲品同甜品，相當化算。忌廉黑松露野菌湯配酥皮湯上枱時香噴噴，因為啱啱出爐， 揭開酥皮有一陣陣黑松露香氣滲出嚟， 加了忌廉和野菌， 令層次上升。慢煮雞肉凱撒沙律雞肉經過慢煮， 入味得來入口嫩滑，唔會太老。足料飽肚。香辣茄香沙甸魚扁意粉份量十足，特別叫咗小辣，沙甸魚比較濃味， 番茄醬中和了魚的腥味， 也加了麵包糠粒粒，點醬一齊吃也同樣好味。蜂蜜薑店員說薑粉來貨自本地老字號，所以質量有保證。 薑粉和蜂蜜比例剛剛好，味道香濃，但唔會太辣， 誠意之作，非常值得推介。朱古力慕士蛋糕朱古力好香濃， 賣相打卡就最啱，完美作结。