喜越 (Closed)

提早糧尾...今日喺銅鑼灣行街 行到餓但又諗起我呢排‘獎勵’得自己幾密😂 唯有四周圍搵下有冇啲價錢親民又抵食嘅舖頭😂😂🙈行過見到耀華街嘅喜悅裝修OK又唔使等位 Menu算多選擇同唔貴 都咁啱想食越南嘢 就佢啦😆首先叫咗雞絲湯金邊粉、咖喱雞飯、香茅玉桂茶、熱情果梳打。嘢食算唔錯！香茅玉桂茶嘅配搭幾有東南亞風味 香茅味濃未必個個都啱 不過睇得出店主嘅用心 有落返冰糖吊味就翻香港人口味 鍾意甜野嘅我 覺得都容易入口嘅🤪熱情果梳打就大路啲 應該冇乜人唔鍾意🍹店員仲講返原來餐廳嘅菠蘿梳打同熱情果梳打都係用新鮮生果製作 唔係罐頭！店員好細心咁介紹個咖喱雞飯 原來餐廳用咗馬來西亞咖喱粉同新鮮雞！咁有誠意即時加印象分🙊😂 識落個咖喱汁甜甜地 啲雞又唔老 OK嘅😚（題外話 我諗餐廳嘅老闆對員工應該唔差 如果唔係佢哋都唔會咁有心機主動介紹食物lol）食完之後 見佢唔算貴又心思思 忍唔住再嗌多兩個小菜食返餐飽😂 叫咗蝦米芥蘭同埋法包 本來想叫牛油蜜蜂豬肝醬法包嘅 但係賣哂豬肝醬 夥計就推介咗用肉碎代替 兩款都好少係其他越南食店見到 鍾意嘗試新口味嘅同志可以一試🙊蝦米芥蘭唔特別講啦大家都可以想像到係咩味 但係