Video
Read full review
2024-09-18
78 views
Eagle & Sparrow Music Cafe📍佐敦文蔚街23號地舖家姐嘅朋友因健康問題，必須控制飲食，因為外食高糖高油，令佢出街食飯嘅機會大大減少，加上香港提供素食、生酮菜單嘅餐廳買少見少，所以每次約佢食飯前我都會做下功課，盡量揀一間適合佢飲食需要，又啱我胃口嘅餐廳。9月尾就到佢生日，我做好research，揀咗一間主打透過音樂同素食連繫社會各界嘅餐廳，希望為佢帶嚟一個開心滿意嘅晚上。我同餐廳約好時間，安排好星期四晚上7點後入座，當晚有駐場歌手Derek為食客帶嚟一首又一首經典金曲，令在場所有人都陶醉萬分。好開心見到唔少年長食客主動同Derek高歌一曲，將氣氛帶到最高峰！有時開心就係咁簡單，小小嘅場地，雖無華麗嘅裝修，但簡約嘅擺設同隨性嘅裝潢、親切和譪嘅店員，足已令人留下深刻印象。喺呢度想多謝店員們友善嘅招待、Derek對演出嘅熱誠、所有食客們嘅投入，種種加埋令我同家姐朋友能好好享受呢晚嘅時光。 💰$120 素蟹寶寶 🍔家姐朋友唔能夠食太多carbs，慶幸餐廳有提供轉生菜包嘅選項，可以唔洗「走包」。我呢個大鄉里都係第一次見到生菜漢堡包，估唔到賣相都唔輸蝕，而且伴有用原個薯仔新鮮
📍佐敦文蔚街23號地舖
家姐嘅朋友因健康問題，必須控制飲食，因為外食高糖高油，令佢出街食飯嘅機會大大減少，加上香港提供素食、生酮菜單嘅餐廳買少見少，所以每次約佢食飯前我都會做下功課，盡量揀一間適合佢飲食需要，又啱我胃口嘅餐廳。
9月尾就到佢生日，我做好research，揀咗一間主打透過音樂同素食連繫社會各界嘅餐廳，希望為佢帶嚟一個開心滿意嘅晚上。
我同餐廳約好時間，安排好星期四晚上7點後入座，當晚有駐場歌手Derek為食客帶嚟一首又一首經典金曲，令在場所有人都陶醉萬分。好開心見到唔少年長食客主動同Derek高歌一曲，將氣氛帶到最高峰！有時開心就係咁簡單，小小嘅場地，雖無華麗嘅裝修，但簡約嘅擺設同隨性嘅裝潢、親切和譪嘅店員，足已令人留下深刻印象。
喺呢度想多謝店員們友善嘅招待、Derek對演出嘅熱誠、所有食客們嘅投入，種種加埋令我同家姐朋友能好好享受呢晚嘅時光。
[價錢 Price]
💰$120
素蟹寶寶 🍔
家姐朋友唔能夠食太多carbs，慶幸餐廳有提供轉生菜包嘅選項，可以唔洗「走包」。我呢個大鄉里都係第一次見到生菜漢堡包，估唔到賣相都唔輸蝕，而且伴有用原個薯仔新鮮製成嘅薯條，唔會炸到過晒龍，咬落去爽爽哋，食到薯仔原有嘅甜味，調味適中自然，非常好食。
我特別鍾意炸素蟹餅，即使用全素材料，都可以還原到蟹肉餅嘅口感同味道，非常驚艷！如果唔想食生菜包，都可以選擇酸種包，相信一定都好好味。
[價錢 Price]
💰$78
烏卒卒 (雜菌黑松露忌廉意粉) 🍝
我就揀咗黑松露忌廉意粉自己食，真係不得不佩服廚師嘅調味，我完全唔覺得自己食緊素食意粉，因為雜菌同洋蔥味道濃香，忌廉亦唔會過量，加上芝士粉同迷迭香等等嘅香料調味後，我敢講完勝多間意粉專門店！
[價錢 Price]
💰$58
巴斯克焦香芝士蛋糕 🍰
甜品方面，我揀咗最愛嘅巴斯克芝士蛋糕，除咗原味芝士口味外，仲有朱古力、咖啡同抹茶口味選擇。蛋糕芝味十足，表層口感焦脆，內層軟綿細密，而且堅持自家製，性價比非常高。
[價錢 Price]
💰$88
生酮純素朱古力撻 🍫
不得不大推一下呢度嘅招牌甜品，生酮純素朱古力撻！話明係生酮，當然無用到麵粉去整啦，以almond flour整成嘅撻皮唔似一般甜品咁肥膩，但亦唔怕十分鬆散，硬度適中，朱古力餡超級香濃，再喺撻面上灑上果仁片，增加口感同層次，家姐朋友表示為滿分之作！
[價錢 Price]
💰$45
藍精靈 (蝶豆花) ☕️
至於飲品，我揀咗一杯非常特別嘅碟豆花latte，湛藍色嘅飲品配上簡單拉花相當精美，以乾蝶豆花圍邊裝飾更顯優雅。味道出奇地香甜，有少少似雲呢拿，口感細滑，值得一試。
[價錢 Price]
💰$68
綠油油奶昔 🥑
家姐朋友揀咗唔落雪糕打出嚟嘅牛油果奶昔，可以見到色澤翠綠，重泡沫感，能完全帶出牛油果嘅香氣，而且可以選擇改用燕麥奶沖製，vegan-friendly！
Post
