六両三 (鉅利大廈) (Closed)

開始思鄉了 突然間好想食台灣牛肉麵，係炮台山天后附近有一間台灣料理，叫六両三，今次就試吓佢先環境唔錯，坐得舒服，佢地係用qr code 落單，選擇都多(連台灣乾拌麵, 便當都有）叫咗招牌紅燒牛肉麵(半肉半筋) 套餐，抵食好多，佢可以比你揀湯底紅燒或麻辣及濃度，麵底多少，可以+$8試個百頁豆腐，+$10凍白桃烏龍，另外仲叫咗炸澎湖花枝丸 佢嘅牛肉麵大大碗，牛肉同牛筋好淋，湯底好濃，佢嘅湯底係標明沒有加上味精同埋有藥膳嘅味道(對女人嚟講好補身)，麵底好彈牙，餐廳都有貼出食牛肉麵嘅吃法，呢個好好，好貼心，正 百頁豆腐，係鹵水豆腐加上台灣嘅甜酸醬，好好味~~ 炸澎湖花枝丸係我嘅最愛，花枝丸大大粒，佢可以揀辣味，佢係用新鮮墨魚丸，有大大舊墨魚丸肉係入面，好彈牙，加上辣嘅椒鹽味，成個花枝丸即刻提昇咗，一口氣連食幾粒 白桃烏龍(無糖)，佢係用密封嘅飲品包裝，乾淨衛生，有白桃味，好特別，烏龍茶茶味濃度適中，睇得出餐廳係用心經營及將最好嘅食物比顧客，抵讚