雪瀛手作 (電氣道) (Closed)

新年第一日試新野😄 去咗北角呢間黃店食即叫即做嘅沖繩飯堡😍 一拎上手見到件鰻魚好厚身同超香已經流晒口水🤤 厚切鰻魚玉子飯堡 $48 成個手掌咁大嘅鰻魚配上玉子真係完美嘅配搭😍 厚切鰻魚軟嫩多汁，熱辣辣咁咬一啖，係好幸福嘅味道🥰 佢地將小食同飲品放唒係雪櫃，方便客人拎😃 小食分開左一盒盒裝住好有心❤️ 手調飲品嘅顏色好靚，我揀左芒果乳酸，酸酸甜甜，口感唔錯😃 雖然小店只得兩個座位，但一直有人入黎買外賣，相信都係一間良心小店😃 店員好好咁送左一樽茶包比我😆 話係新年禮物🎁 好似係手作嘅玫瑰花茶，有好香嘅花香味，好開心。