一龍拉麵 (Closed)

馬鞍山被譽為係「美食沙漠」，但我今次食完一間拉麵店發現，其實都唔係啊～呢間拉麵店係開放式嘅空間，好似日本啲屋台拉麵咁，行埋去就係座位，完全可以望穿廚房，所以衛生要好好！拉麵黎講我都係會揀豚骨湯叉燒拉麵，今次加左辣，即管食真佢！男朋友就揀左佢地獨有嘅龍蝦湯。另外我地仲加左餃子同玉子。🍜炙燒叉燒拉麵（$66）🔸豚骨湯底好濃，廚師話豚骨款湯再濃啲，但配辣就係呢款會夾啲🔸見住佢係廚房用火槍燒啲叉燒，燒出黎賣相好之餘仲好香🔸麵屬粗麵，算係幾彈牙，唔會一pat嘢🍜海蝦拉麵配特製龍蝦湯（$88）🔸無記錯應該係有4大隻蝦！而且係新鮮有彈性的🔸龍蝦湯底好正！估佢唔到，好濃厚！🔸兩碗拉麵嘅溏心蛋都好出色，正😻玉子燒（$25）配上特製調味，有誠意，酸酸地，少少辣，都幾唔錯。煎餃子（$22），外皮酥脆，仲入辣辣，推！