吃茶三千 (上海街)

Open Now

Now Closed

近依兩日疫情有啲好轉，條街都開始多番人。同朋友去完朗豪坊shopping，見到對面上海街開咗間新商場，雖然面積唔大，但又幾有特色，公共地方仲有唔少地方比大家歇腳。見到商場入面，有條人龍排隊，原來入面有間台式飲品店！吃茶三千！個名又幾特別喎，同朋友一人買咗一杯，我要咗國王珍珠奶茶，而我朋友就要左熔岩黑糖波霸鮮奶。不得不提佢哋嘅製作過程，每一杯茶佢哋都係即場萃取，選取茶葉份量方面，店員們都十分認真，睇得出係有用心去炮製。賣相方面，佢哋外賣嘅包裝亦非常有心思，如果想外賣拎返公司或者屋企飲，都唔會整濕手指同出面啲珍珠奶茶店唔同，佢哋唔會用甜味蓋過一切，依度都可以飲到淡淡的茶香味。珍珠亦十分煙韌。值得推介！