Tea Express Bar by Jrink (Moved) New Location

而家無乜必要就唔好出門啦，但如果你好似我咁不幸要繼續返工，請幫襯下附近嘅黃店。今次介紹呢間茶飲店告急中，舖面擺滿貼紙文宣，罷工義賣捐錢學生優惠樣樣做齊，希望佢可以捱到落去啦。.
抹茶芝士丸丸：呢款係招牌飲品，芝士奶蓋鹹香，唔會輕易同茶底混合，亦唔算太厚太膩。抹茶拿鐵用上靜岡抹茶粉，以苦澀味為主導，回甘不太明顯，但同奶蓋幾夾。抹茶粉份量極多，見到店員好用心打散茶粉，可惜飲到最尾依然有茶粉結塊嘅情況。白玉質地較黏，難用飲管吸起，尚算有咬口。