麺処一家 (Closed)

去開厚福街搵食，經過呢間麵處一家，見到有好一條人龍向門口排隊，唔算係太肚餓，所以就又跟住排隊試試。可能已經接近晚上9點，大約等左10分鐘左右就可以入座。向門口排隊時，見到店外貼左一d訪問，介紹店長如何努力堅持做正宗日式拉麵。所以我滿懷希望可以坐去吧枱望下店長如何用心製作。可惜我被安排到最旁邊既細枱，無緣睇到靚仔店長煮麵😭麵處一家只提供一款湯底配3款拉麵；分別係妹妹推介即慢煮豬肩肉；弟弟推介即火灸豬腩肉同店長推介，即2樣都有。我一向有選擇困難，所以我決定要店長推介，一次食晒2樣唔駛煩。豬肩肉質地好軟滑，豬腩肉亦夠彈牙。湯底有濃厚既豬骨魚介味道，一如其他日式拉麵店，呢款湯底會比較濃厚同偏鹹，配上軟硬適中既拉麵，我本人覺得好好味😋