德朗甜品

Open Now

Now Closed

食完晚飯，就同屋企人去附近既糖水舖食糖水，落到糖水舖，見到好多人一家大細或者同另一半一齊食糖水，真係好幸福啊！入面有電視機，一邊食甜品一邊睇電視，可以從日常生活中輕鬆一下。我同屋企人都好鐘意食芒果，所以我地就點左芒果拿破侖同埋多芒小丸子，好滿足啊，可以食到咁多芒果！冬天最好就食返啲熱辣辣既糖水暖暖胃，我地點左店員推介既黑芝麻糊，佢話呢個芝麻糊係自家磨製既，食落去真係好香濃既芝麻味，真材實料！我地亦都點左熱既香芋紫米露，芋頭好綿，配埋椰汁紫米露，好夾！仲有木瓜奶同士多啤梨奶！