Thre3 concept (Closed)

經過好多次都唔知呢度原來有間隱世cafe，係朋友話想試先知道原來有間cafe。雖然位置唔起眼，但呢度環境俾到人一種好舒服既感覺。試左呢度既英式早餐同焦糖咖啡。咖啡好迷你，飲到少少焦糖味，味道唔錯。All day breakfast 整得好有心機， 每款配料好足料，腸仔都有兩款。薯餅、多士入口跟果陣仲係熱辣辣啱啱整起，薯餅上面仲有哈哈笑，見到都即刻心情靚晒啦😊 而最有心機就係個櫻花蝦炒蛋，多蝦蛋嫩，正到不得了。食完個餐已經好飽，偷食左一啖朋友既明太子意粉，一樣係好有水準，貴啲都值得。