新蒸武門 (Closed)

用心製作足料蒸飯叫左呢度嘅籠仔蒸龍躉飯，開頭以為份量好少，但原來都好夠兩個人食。有龍躉非常之大舊，而且肉質非常彈牙，新鮮蒸飯，仲係炒飯底，真係用心製作。味道非常好唔會太咸。另外，叫咗蟲草花雞米粉，估唔到蟲草花有咁多，有益健康，真係好足料。雞都幾滑，份量都多，而且米粉都唔會太濃味。餐湯好飲，唔覺有味精，而且都幾足料。飲品都好多選擇，幾好飲。餐廳好多位，午餐滿座。食物真係用心製作。價錢合理，真係抵食呀！