潮聖 (Closed)

之前食過深水埗間石磨腸粉真係難食到呢🙄今次試下荃灣間新嘢先呢間除左腸粉 仲有粉麵的有少量位子 主打外賣的。.2款腸粉都係石磨 好足料wor‼️店主朝朝去買新鮮材料架古法石磨腸粉有雞蛋 菜脯 豬肉碎同新鮮蔬菜🥬而潮聖果款腸粉就多左蝦乾同魷魚碎🦑更香口 醬油唔會太多蓋曬啲原汁原味。.淨牛肉餅係非常推薦俾食牛🐂既朋友係牛丸咁款不過係扁身既非常彈牙 非常有牛味 正過德發牛丸‼️個湯都好正 仲有少少菜 一啖菜一啖肉再飲下個湯 醒神💙.怕唔夠飽就緊係整返個豬手麵我揀左米粉 豬手有成4隻咁多 仲有隻大煎蛋🍳豬手滷水好入味又夠淋 蛋煎得好靚有流心🤤真係睇返啲相都想再食❤️