夢の丼 (Closed)

路過見到佢哋嘅門口就已經吸引住我嘅目光，即刻叫男朋友陪我入去試吓，入到去嘅裝潢充滿日式風味，而且座位間距離寬敞、環境十分舒適。店員非常熱情有禮介紹餐廳推行中嘅優惠同埋季節性限定。最後我哋分別叫咗兩個丼、兩款招牌菜、兩款季節性限定刺身，同埋壽司。餐廳好貼心會送麵豉湯同漬物比每位食客，而且仲真材實料，味道非常濃郁，仲有蜆肉海帶。夢之丼： 裏面分別有火炙三文魚蓉、三文魚子、帆立貝、海膽、牡丹蝦、松葉蟹、右口魚邊。海膽極之香醇，味道濃郁，一啲苦、腥味都冇。牡丹蝦好大隻，啖啖肉、味道鮮甜。就連我本身好抗拒嘅三文魚子都一啲腥味都冇！花錦魚生丼：裏面分別有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子清、松葉蟹、蜆肉。 個蛋黃極吸晴，我哋將蛋黃撈埋一齊食，啖啖充滿鮮味嘅魚生、少少甜嘅蟹肉、蛋黃漿香味同埋爆珠口感嘅三文魚子，無論係味道定係口感都非常豐富！最最最重要嘅係依家做緊半價優惠！！好抵食！！性價比值爆燈！！佢哋嘅丼都有酸薑、蘿蔔絲等漬物，撈埋一齊食更加有口感，又開胃。重點係每一粒嘅米飯都已經調好味，唔需要自己倒豉油，唔需要擔心倒多咗太鹹。蟹皇醬燒蟹膏豆腐：非