孖寶 (Closed)

作為新界人都係鍾意喺新界覓食，懶得出市區，車多人多。星期六就嚟咗上水食個靚午餐。中午2點嚟到已經坐滿哂客人，我哋好好彩等左一陣就有位。入面裝修簡簡單單，幾舒服。哩度午餐嘅性價比都幾高。.🔸薯仔忌廉湯（跟餐）薯仔味香濃，口感creamy，唔錯。.🔸紐西蘭肉眼扒（$98）咪睇佢外表平凡，但肉質好鬆軟、juicy，叫左5成熟，好嫩滑，性價比高。配黑椒汁好惹味。.🔸西班牙黑毛豬架（$98）豬架超大份又厚身，近骨位嘅肉特別香，七成熟，口感彈牙又軟熟，好味！伴碟仲有好多薯條，飽足感滿滿。.🔸咖啡（跟餐）咖啡好香濃，奶係另上嘅，而且啲奶加熱咗，好細心。