Video
Read full review
2022-03-06
830 views
Sensory Zero 近年發展都幾平穩，新店開完一間又一間，之前幫襯過兩三次，每次體驗都好唔錯，不過冇寫食評留記錄，今日同太太到太古城行街又見到，反正都要午餐，決定再次幫襯，結果都係冇令人失望😃裝修簡單平實不豪華，唔似坊間好多只focus 俾人打卡果隻，因為睇得出佢哋專注嘅，係用料上乘，以至食物出品及咖啡質素👍Sensory Zero 用嘅米原來係好有要求，睇餐牌發現原來佢哋從日本岩手縣挑選日本精米到港，然後由香港唯一一位「米•食味鑒定士」新鮮精磨後先再煮成飯，難怪啲飯咁好食😋🔻蜜糖炸雞球飯米嘅質素剛才已提到不多說，煮出黎嘅飯當然好食，炸雞大大件份量好足亦非常鮮嫩，食落去類似咕嚕肉口感😋🔻蒲燒鰻魚雙份滑蛋牛角酥牛角酥焗得好鬆脆，夾住嘅滑蛋好香好滑填滿成個牛角包，鰻魚份量亦對得住個價錢，足足有兩大件厚厚鋪上面，鰻魚醬汁亦非常非常出色，咁樣食牛角酥真係令人好滿足感覺😍🔻日式芝麻雞翼呢個炸雞翼睇相都覺得香脆美味，不多說自己黎試喇👍😉👍🔻First Kiss咖啡選左呢杯叫 First Kiss，見個名咁得意，果然幾好飲，其實應該係一杯 latte 再造焦糖喺面上，當你一啖飲上去嘅時候，咀唇
裝修簡單平實不豪華，唔似坊間好多只focus 俾人打卡果隻，因為睇得出佢哋專注嘅，係用料上乘，以至食物出品及咖啡質素👍
Sensory Zero 用嘅米原來係好有要求，睇餐牌發現原來佢哋從日本岩手縣挑選日本精米到港，然後由香港唯一一位「米•食味鑒定士」新鮮精磨後先再煮成飯，難怪啲飯咁好食😋
🔻蜜糖炸雞球飯
蜜糖炸雞飯
$118
87 views
0 likes
0 comments
米嘅質素剛才已提到不多說，煮出黎嘅飯當然好食，炸雞大大件份量好足亦非常鮮嫩，食落去類似咕嚕肉口感😋
🔻蒲燒鰻魚雙份滑蛋牛角酥
蒲燒鰻魚雙份炒蛋牛角酥
$88
57 views
0 likes
0 comments
牛角酥焗得好鬆脆，夾住嘅滑蛋好香好滑填滿成個牛角包，鰻魚份量亦對得住個價錢，足足有兩大件厚厚鋪上面，鰻魚醬汁亦非常非常出色，咁樣食牛角酥真係令人好滿足感覺😍
🔻日式芝麻雞翼
芝麻炸雞翼
$55
42 views
1 likes
0 comments
呢個炸雞翼睇相都覺得香脆美味，不多說自己黎試喇👍😉👍
🔻First Kiss
First Kiss
$45
36 views
0 likes
0 comments
咖啡選左呢杯叫 First Kiss，見個名咁得意，果然幾好飲，其實應該係一杯 latte 再造焦糖喺面上，當你一啖飲上去嘅時候，咀唇自然有好甜蜜感覺，可能因為咁而取名「First Kiss」，幾好飲😊
整體來講，今次第四次幫襯都冇令我失望，佢嘅定價係有點高，不過用料個人覺得算係高質，加上煮工相當出色，就睇吓顧客本身你想要乜👌
Post
