阿肥火鍋 (Closed)

今日係尖沙咀收工之後想搵間餐廳打邊爐，見到哩間餐廳比較近，而且好似幾有特色，所以就入去試下。餐廳係行80年代懷舊香港風格，重現左好多舊時香港既場景，好岩打卡影相📸️醬料就需要行去出面拎，餐牌上面都有好多火鍋配料可以選擇。🎈櫻花蝦沙嗲湯底🥣 $138🦐蝦味好濃郁，味香微辣，唔會太鹹，仲有好濃既花生味，好適合配肉類食物，超入味。🎈小食：炸乳鴿 $68乳鴿外皮勁香脆，肉質嫩滑，另外配有淮鹽同醬料，加上少少淮鹽一齊食係我覺得最好食既食法😋🎈豬潤 $68豬潤好大塊同新鮮，顏色鮮紅。🎈萵筍 $38萵筍爽脆清甜，吸收曬湯汁既味道，就算唔小心煮耐左都仍然保持爽脆。🎈蜂巢豆腐 $28哩個豆腐最正係索曬啲湯汁，所以食落去一啲都唔會乾，而且大大舊，有口感。🎈阿肥牛皇拼盤（黑柏葉、手切肥牛、安格斯牛肉，穀飼牛柳粒）$388哩個係超正推介👍🏻-黑柏葉好大塊，煮完都唔會縮太多水，爽口彈牙，夠新鮮，而且黑柏葉冇漂白過，夠天然。-手切肥牛厚切，牛味好濃，手切既關係會更有咬口，比較少脂肪。-穀飼牛柳粒牛味最濃，最有牛香，食落勁似燒肉既牛肉粒同日本居酒屋既串燒牛肉，有少少入口半溶，值得推介。-安格斯牛肉牛肉紋理好靚，係雪花