Video
Read full review
2021-11-09
231 views
天氣開始轉涼，一於約埋班朋友去打邊爐啦！今日黎到D2 Place呢間大公別館，見到裝修都好中式風，環境都好大，台與台之間都好闊落，令人好安心！我地先叫一個鴛鴦鍋，選左川蜀麻辣火鍋配花膠濃湯雞鍋！岩返有朋友鐘意食辣！湯先黎到要倒d雞件落去煮，煲熟左之後我地試一試個花膠濃雞湯，一飲落去都好香濃，補充骨膠原啊！我唔食得辣，都覺得麻辣果邊食到，個湯底好香！必試！好多配料，比自己加添落豉油到！飲品我叫左黑豆水 甜甜地幾好飲～鮑魚雞粒餃呢個餃好勁，真係有隻鮑魚係內面架！成粒餃好足料又好味～美國極黑和牛封門柳，呢個牛肉肉味較重，夾埋麻辣火鍋果到超正！本地新鮮牛肉-牛頸脊黎到今日主角：本地新鮮牛，真係見到都吸引，雪花好靚，輕輕拖一拖落個火鍋就可以食，真係好香牛味，入口即溶咁啊！自製千層枝竹呢個枝竹好特別，要浸耐少少，等佢吸滿曬湯底，好好食！手打魚腐，招牌四寶丸魚腐軟綿綿，好似綿花糖咁，但索埋d湯又好正～四寶丸有脆骨烏雞丸，芥末豬肉丸，芫茜牛肉丸，芝心墨魚丸，幾款都係新鮮製造，我就最鐘意脆骨烏雞丸，咬落有口感，又實在！豆腐紙好特別既豆腐紙，非常薄，輕輕拖落湯底就食得！好香豆味淮山麵為我地火鍋做個小結尾就
天氣開始轉涼，一於約埋班朋友去打邊爐啦！今日黎到D2 Place呢間大公別館，見到裝修都好中式風，環境都好大，台與台之間都好闊落，令人好安心！
我地先叫一個鴛鴦鍋，選左川蜀麻辣火鍋配花膠濃湯雞鍋！岩返有朋友鐘意食辣！
湯先黎到要倒d雞件落去煮，煲熟左之後我地試一試個花膠濃雞湯，一飲落去都好香濃，補充骨膠原啊！
我唔食得辣，都覺得麻辣果邊食到，個湯底好香！必試！
好多配料，比自己加添落豉油到！
飲品我叫左黑豆水 甜甜地幾好飲～
鮑魚雞粒餃
呢個餃好勁，真係有隻鮑魚係內面架！成粒餃好足料又好味～
美國極黑和牛封門柳，呢個牛肉肉味較重，夾埋麻辣火鍋果到超正！
本地新鮮牛肉-牛頸脊
黎到今日主角：本地新鮮牛，真係見到都吸引，雪花好靚，輕輕拖一拖落個火鍋就可以食，真係好香牛味，入口即溶咁啊！
自製千層枝竹
呢個枝竹好特別，要浸耐少少，等佢吸滿曬湯底，好好食！
手打魚腐，招牌四寶丸
魚腐軟綿綿，好似綿花糖咁，但索埋d湯又好正～
四寶丸有脆骨烏雞丸，芥末豬肉丸，芫茜牛肉丸，芝心墨魚丸，幾款都係新鮮製造，我就最鐘意脆骨烏雞丸，咬落有口感，又實在！
豆腐紙
好特別既豆腐紙，非常薄，輕輕拖落湯底就食得！好香豆味
淮山麵
為我地火鍋做個小結尾就係一定要食麵既～呢個淮山麵感覺健康d,唔似公仔麵果d咁油膩！而麵質都好彈牙，配埋湯底食好正！
金箔懷舊芝麻卷
最最最後的主角係呢個芝麻卷，芝麻卷做得十分薄瑞卷埋，超香濃芝麻味，好鐘意食！大推！
Post
