Video
Read full review
2024-01-30
3 views
今日黎到位於銅鑼灣既哩間廚師發辦餐廳。餐廳環境寬敞舒適，夠晒空間感，店舖中間係木系吧枱，兩邊有唔同款式既包廂位置。✨ Omakase $1580🔸前菜南瓜凍上面有蟹籽及絲絲蟹肉；土佐醋內有鮮蝦，中間放有蟹籽，下面仲有海帶及青瓜等微酸清爽既漬物。🔸鱈魚白子鱈魚白子細嫩滑溜，味道醇厚，加上酸汁、蘿蔔蓉、七味粉及蔥花調味，非常好食。🔸 鰤魚日本富山灣既鰤魚，質感清爽肥美，加上黃芥辣及五色芝麻碎，能夠提升魚嘅鮮味，食完之後仲可以用旁邊既生桃漬清一清味蕾。🔸 池魚碎切池魚新鮮，切碎之後混合菊花瓣及西蘭花苗，再加上由醋、麵豉製作嘅酸麵豉醬汁，味道微甜，好特別～🔸生蠔來自岩手縣既生蠔，上面加上土佐醋製作嘅慕絲及海苔，生蠔肥美，質感清爽，鮮味十足。🔸粒貝粒貝加上豉油及青檸汁，混合梳打水及柚子皮，入口更為爽脆。🔸喜知次喜知次經過炙燒，加上洋蔥及洋蔥汁，魚味濃郁，帶有魚油香，最後可以用酸瓜清一清味蕾。🔸慢煮鮟鱇魚肝慢煮鮟鱇魚肝味道濃厚醇香，加上蔥碎及淡雪鹽，再放係最中餅上面，食落更有口感。🔸磯煮鮑魚磯煮鮑魚煮左兩個鐘，入口相當新鮮，質感爽彈，蘸上味道濃郁既鮑魚肝醬真係絕配，非常好食👍🏻🔺和食：金鯛立鱗燒、
✨ Omakase $1580
🔸前菜
南瓜凍上面有蟹籽及絲絲蟹肉；土佐醋內有鮮蝦，中間放有蟹籽，下面仲有海帶及青瓜等微酸清爽既漬物。
🔸鱈魚白子
鱈魚白子細嫩滑溜，味道醇厚，加上酸汁、蘿蔔蓉、七味粉及蔥花調味，非常好食。
🔸 鰤魚
日本富山灣既鰤魚，質感清爽肥美，加上黃芥辣及五色芝麻碎，能夠提升魚嘅鮮味，食完之後仲可以用旁邊既生桃漬清一清味蕾。
🔸 池魚碎切
池魚新鮮，切碎之後混合菊花瓣及西蘭花苗，再加上由醋、麵豉製作嘅酸麵豉醬汁，味道微甜，好特別～
🔸生蠔
來自岩手縣既生蠔，上面加上土佐醋製作嘅慕絲及海苔，生蠔肥美，質感清爽，鮮味十足。
🔸粒貝
粒貝加上豉油及青檸汁，混合梳打水及柚子皮，入口更為爽脆。
🔸喜知次
喜知次經過炙燒，加上洋蔥及洋蔥汁，魚味濃郁，帶有魚油香，最後可以用酸瓜清一清味蕾。
🔸慢煮鮟鱇魚肝
慢煮鮟鱇魚肝味道濃厚醇香，加上蔥碎及淡雪鹽，再放係最中餅上面，食落更有口感。
🔸磯煮鮑魚
磯煮鮑魚煮左兩個鐘，入口相當新鮮，質感爽彈，蘸上味道濃郁既鮑魚肝醬真係絕配，非常好食👍🏻
🔺和食：金鯛立鱗燒、分子料理南瓜湯球
金鯛立鱗燒魚肉嫩滑，魚味突出，上面既立鱗非常香脆；而分子料理南瓜湯球好特別，一咬落去啲湯爆曬出黎～
🍣壽司
赤貝、甜蝦、帆立貝、海膽、兩款拖羅
赤貝新鮮爽脆，加上柚子皮及青檸汁；甜蝦黏口彈牙，蝦身上既豉油用蝦膏及蝦殼熬製；帆立貝鮮甜肥美，上面加上海藻鹽提鮮；來自北海道既馬糞海膽份量十足，味道鮮甜，相當好食；兩款拖羅其中一款經過炙燒，加上柚子胡椒、醋及紫蘇葉，再用炸過嘅海苔包裹住，香脆惹味，好食推介👍🏻
🥣魚湯
濃郁嘅魚湯入面有雜菇、金菇、娃娃菜及豆腐。
🍮水信玄餅
將檸檬汁倒落糖水到，再加落去水信玄餅上面，味道酸酸甜甜，而甜度恰到好處，為哩一餐畫上圓滿嘅終結。
Post
