Video
Read full review
2018-05-03
567 views
最近開始對普通西餐中菜生厭，不約而同聽幾個朋友介紹有間烤羊肉新疆菜幾好食，今晚決心黎食重香料既菜式refresh下。十幾頁圖文並茂既menu有少少花多眼亂，睇左幾次都未下定主意，於是趁同行朋友遲到、阿姐埋黎斟水既空檔問下有冇好介紹。 阿姐隨口講左幾味，重點係最後佢指住羊肉餡餅話：「呢個就必食啦」，好，一於咁話。羊肉餡餅 ($50) 半份金黃香脆既外貌已經令人胃口大開，「咔嚓」一聲咬開酥皮後，肉汁應聲而出，頓時有種食緊小籠包既錯覺。 肉汁豐盈既餡料明確感覺到彈牙扎實既肉質同肉鮮味，洋蔥香而冇喧賓奪主，羊肉佔左起碼九成，真材實料。即叫即炸需時，但外皮甘香鬆脆，表面完全冇多餘油份，名不虛傳。 將碗內盛載既精華飲盡，十分滿足。新彊手抓羊排飯 ($98)超頹既賣相令我係朋友落單時面色一沉，上菜時圖與現實相符亦冇令我有一絲期望，估唔到食落好有驚喜！本來覺得手抓羊排同飯冇咩色水，感覺淡味又唔夠餸，原來飯底係用上湯煮成再撈左羊油，單獨食飯都好夠味。中式煮法當然會將羊肉煮至全熟離骨，但手抓羊排依然保持柔軟嫩滑有彈性，口感似幼嫩版既牛肋條，滑嘟嘟啖啖肉。 我其實唔太鐘意食羊，但今次竟然令我感受到傳說中食羊
十幾頁圖文並茂既menu有少少花多眼亂，睇左幾次都未下定主意，於是趁同行朋友遲到、阿姐埋黎斟水既空檔問下有冇好介紹。 阿姐隨口講左幾味，重點係最後佢指住羊肉餡餅話：「呢個就必食啦」，好，一於咁話。
羊肉餡餅
$50
17 views
0 likes
0 comments
羊肉餡餅
$50
22 views
0 likes
0 comments
羊肉餡餅 ($50) 半份
金黃香脆既外貌已經令人胃口大開，「咔嚓」一聲咬開酥皮後，肉汁應聲而出，頓時有種食緊小籠包既錯覺。 肉汁豐盈既餡料明確感覺到彈牙扎實既肉質同肉鮮味，洋蔥香而冇喧賓奪主，羊肉佔左起碼九成，真材實料。
羊肉餡餅
$50
18 views
0 likes
0 comments
即叫即炸需時，但外皮甘香鬆脆，表面完全冇多餘油份，名不虛傳。 將碗內盛載既精華飲盡，十分滿足。
羊肉餡餅
$50
16 views
0 likes
0 comments
新彊手抓羊排飯 ($98)
超頹既賣相令我係朋友落單時面色一沉，上菜時圖與現實相符亦冇令我有一絲期望，估唔到食落好有驚喜！本來覺得手抓羊排同飯冇咩色水，感覺淡味又唔夠餸，原來飯底係用上湯煮成再撈左羊油，單獨食飯都好夠味。
新彊手抓羊排飯
$98
24 views
0 likes
0 comments
中式煮法當然會將羊肉煮至全熟離骨，但手抓羊排依然保持柔軟嫩滑有彈性，口感似幼嫩版既牛肋條，滑嘟嘟啖啖肉。 我其實唔太鐘意食羊，但今次竟然令我感受到傳說中食羊既人鐘意既羊羶味。 羊肉入口基本上只食到普通肉鮮味，但咀嚼下餘味帶一絲清新既羶味，準確而言應該係羊既鮮甜味，相信用料夠新鮮先有呢個水準。
新彊手抓羊排飯
$98
24 views
0 likes
0 comments
特別想讚下伴碟既紅蘿蔔外表平平無奇，點知甜到痴線，用黎送油飯可以清下味蕾，秒速清碟。
水煮龍躉球
$188
16 views
0 likes
0 comments
水煮龍躉球 ($188) 小辣
龍躉大塊厚切、僅僅熟、嫩滑有魚味，真正將新鮮食材發揮得淋漓盡致。 最鐘意手掌咁大既龍躉球完全冇幼骨或魚鱗，啖啖幼嫩既魚肉同富膠質軟腍既魚皮，滑不溜口，仲鑊氣十足添。
水煮龍躉球
$188
14 views
0 likes
0 comments
水煮龍躉球
$188
11 views
0 likes
0 comments
小辣水煮魚對我黎講唔太辣，但花椒、指天椒、青陽辣椒等香氣完全滲入食材，香而不辣。 除左常見既芽菜之外，配料仲有大量軟腍入味既茄子，重點係最底放滿兩大碗薯粉，煙煙韌韌、索滿惹味湯汁，食到一條不留。
水煮龍躉球
$188
22 views
0 likes
0 comments
16 views
0 likes
0 comments
菜式味道真係值滿分，不過份量偏大，只係得羊肉餡餅同手抓羊排可以叫半份，羊肉串燒亦最少要叫四串，對人數少既客人黎講比較難叫餸。 如果招牌菜大盤雞、干煎大蝦等都可以增設半份，令客人可以試多d唔同款就好喇。
同一般家庭式小店一樣，冇任何奢華高檔既裝潢，但整體光猛企理，坐係卡位內亦可以靜靜地傾計，適合家人朋友聚會。
除左自動自覺定時幫我地添茶之外，我比較深印象係另一位店員見我地望住墊台個張食物推介圖，忽然好由心而發、舉起手指公，用近乎回味緊既語氣講碟饟包肉好好味。 可以推想佢地平時員工會圍埋一齊用膳試菜，對菜式有一定了解，唔似得連鎖食店問多句都答唔出。
埋單後店員仲問我地意見，除左好好食真係講唔出咩大道理，惟有袋好張九折傳單下次再黎啦~
Post
