Video
Read full review
2023-06-20
2043 views
收工嚟油麻地攞包裹，搞掂就順便喺附近食埋飯先返屋企，有人提議去砵蘭街嗰間「村爺爺」。餐廳以性價比高龍蝦湯泡飯打響名堂，食品種類多元化，除了主打嘅生滾龍蝦湯泡飯外、還有撈麵、古法煲仔湯、村爺爺特式小食同飲品等供應。鵝腸皇拼黑毛豬 ($68)：鵝腸處理得好乾淨，入口爽脆無渣；黑毛豬脂肪分佈平均，肉質柔軟，蘸自家製辣椒豉油同食，夠晒惹味。花膠‧《龍躉》螺片雞海鮮龍蝦湯泡飯 ($108)：飯同龍蝦湯分開上，湯底用料相當講究，以豬骨、雞和龍蝦熬製而成，味道鮮甜濃厚！配料有花膠、龍躉、雞肉、青口、蜆和螺片等。花膠大大塊，富煙韌口感，腍滑卻不失彈性。龍躉肉嫩味鮮，膠質豐富，絕對係健康之選。蜆肉粒粒都脹卜卜，而螺片亦好有咬口，吸晒龍蝦湯精華。另外呢客鮑魚花膠蟲草花雞煲翅 ($128) 用料亦不欺場，湯頭落足心機炮製，味道非常鮮甜，滋潤養生。鮑魚肉厚帶嚼勁，花膠有兩大塊，食落好有咬口。蟲草花具滋肺補腎、抗氧化、提高身體免疫能力等功效。另外仲有翅同半隻雞，魚翅爽彈帶微脆、雞肉鮮嫩滑溜，雞味好濃郁。+$15 可轉套餐，有絲苗白飯、秘製豉油及油菜一碟。天氣咁熱，點杯石榴梳打 (+$10) 同 菠蘿梳打 (+
收工嚟油麻地攞包裹，搞掂就順便喺附近食埋飯先返屋企，有人提議去砵蘭街嗰間「村爺爺」。
餐廳以性價比高龍蝦湯泡飯打響名堂，食品種類多元化，除了主打嘅生滾龍蝦湯泡飯外、還有撈麵、古法煲仔湯、村爺爺特式小食同飲品等供應。
鵝腸皇拼黑毛豬 ($68)：鵝腸處理得好乾淨，入口爽脆無渣；黑毛豬脂肪分佈平均，肉質柔軟，蘸自家製辣椒豉油同食，夠晒惹味。
花膠‧《龍躉》螺片雞海鮮龍蝦湯泡飯 ($108)：飯同龍蝦湯分開上，湯底用料相當講究，以豬骨、雞和龍蝦熬製而成，味道鮮甜濃厚！
配料有花膠、龍躉、雞肉、青口、蜆和螺片等。
花膠大大塊，富煙韌口感，腍滑卻不失彈性。龍躉肉嫩味鮮，膠質豐富，絕對係健康之選。蜆肉粒粒都脹卜卜，而螺片亦好有咬口，吸晒龍蝦湯精華。
另外呢客鮑魚花膠蟲草花雞煲翅 ($128) 用料亦不欺場，湯頭落足心機炮製，味道非常鮮甜，滋潤養生。鮑魚肉厚帶嚼勁，花膠有兩大塊，食落好有咬口。
蟲草花具滋肺補腎、抗氧化、提高身體免疫能力等功效。另外仲有翅同半隻雞，魚翅爽彈帶微脆、雞肉鮮嫩滑溜，雞味好濃郁。
+$15 可轉套餐，有絲苗白飯、秘製豉油及油菜一碟。
天氣咁熱，點杯石榴梳打 (+$10) 同 菠蘿梳打 (+$10) 涼快下，兩杯凍飲味道都好 fresh，酸酸甜甜，充滿清新果香，超級醒胃。
Post
