八海山

Open Now

Now Closed

前幾日放工想食日本野，就隨意地入左呢間位於尖沙咀嘅日本餐廳試下。雖然價錢並唔算話平，但係食物質素就相當之唔錯。我就叫左個雜錦魚生飯，餐廳嘅前菜都非常有日本感覺。麵豉湯鰹魚味都幾重，唔會太咸，算係幾唔錯。魚生飯最睇重嘅就係用料新鮮，食材新鮮嘅話即使貴少少個人都覺得值得，而呢度嘅魚生飯就非常新鮮。 魚生配搭都算豐富，三文魚、八爪魚、帶子等常見嘅魚生都有，更有鯛魚、拖羅等較為貴價嘅魚生個人覺得最有驚喜嘅係拖羅，呢度嘅拖羅都算厚身，食落入口即溶，非常好食!