壽司翔太 (Closed)

去左黃埔探個朋友， 之後佢帶我食呢間日本餐廳，係黃埔新天地，我覺得都吾錯，叫翔太壽司。一入到去就覺得很有日本嘅感覺，裝修以木為主，環境整潔乾淨，點了幾款壽司，佢好似omakase咁，係你面前逐件整 ，你食完先再上另一件， 幾唔錯！我都係嗌我最愛嘅，有吞拿魚腩，帆立貝，海膽，鰻魚等，超正，全部都好新鮮，又肥美，yummy，另外仲點了毛蟹壽司，都幾好食，好鮮甜嘅蟹肉，份量都幾多架。就算我平時覺得一般嘅深海池魚，佢呢度整得都特別好食，魚味同口感都好新鮮，我覺得佢用料真係好好，一分錢一分貨。本以為會好貴，話晒有個日本師傅係你面前整，但我呢餐都係食左320度，又食夠飽同舒舒服服嘅，吾錯吾錯。