夢の丼 (Closed)

以前讀中學放學成日黎土瓜灣食野，感覺都係比較多舊式食肆，估唔到冇黎一段時間，呢到多左好多新元素，仲有主打正宗日式丼飯同廚師發辦既日本餐廳。夢の丼 ($298)，同餐廳既名字一樣，自然係呢到既招牌菜。呢個丼啱晒我呢d貪心又為食既人，一碗丼飯可以一次過食晒七款刺身，有三文魚、三文魚子、拖羅蓉、帆立貝、海膽、牡丹蝦同蠔。用料新鮮之餘，擺盤都非常吸引，而且唔同平時既醋飯底，呢到用左赤醋，獨特既香味食落同刺身更配合。一番拖羅丼($338)，如果鍾意鮪魚⼀定唔可以錯過呢款，朋友叫呢款有齊大鮪魚腩、中鮪魚腩、碎蔥鮪魚腩、火炙大鮪魚腩、赤身漬同玉子漬。可以食晒鮪魚唔同既部位同食法。