Video
Read full review
2019-02-01
26 views
新春將至，是日同朋友去左旺角shopping買新衫新褲新鞋，旺角周街都咁鬼多人，平時兆萬創興果啲排隊排到出街，諗起都怕，行完波鞋街果邊見到有間越南菜唔駛等位，我又鬼咁掛住pho，就入去試下喇！坐低第一時間望下餐牌，價錢都合理，由於好肚餓嘅關係，就炸炸臨叫野食啦！第一樣緊係叫返個Pho啦，我見到有一個牛嘅雜錦pho，令我諗起喺Sydney越南區食嘅「pho特別」配料又係有晒牛丸牛肉等，好豐富於是我地就叫左呢個嘞然後我地仲叫左越式雞煲，重慶麻辣雞煲香港就周街都係，一於試返個越式嘅睇下咩味我周同班friend好拆得架，我地仲叫左炒通菜飲品就叫椰青，同埋一個滴漏咖啡。好，講下啲食物質素如何先：What the pho雜錦越式河：呢個pho真係夠曬特別，有澳洲和牛同日本和牛啦，牛舌，仲有牛丸，我想講用料真係好新鮮，肉質鮮，特別要讚下個牛丸，唔係一般街邊凍肉店果種，係手打仲保持到少少牛肉質感嘅果種牛丸。而且好用心，個河粉黎到佢地先加湯，保持到牛肉嫩度。但我覺得香料同芽菜可以多啲，希望可以提供海鮮醬呢個整體我俾7.5/10分越式雞煲：睇樣子，佢同一般麻辣雞煲相差不大，食落好重好重香茅同薑味，有啲酸酸
是日同朋友去左旺角shopping買新衫新褲新鞋，旺角周街都咁鬼多人，平時兆萬創興果啲排隊排到出街，諗起都怕，行完波鞋街果邊見到有間越南菜唔駛等位，我又鬼咁掛住pho，就入去試下喇！坐低第一時間望下餐牌，價錢都合理，由於好肚餓嘅關係，就炸炸臨叫野食啦！
第一樣緊係叫返個Pho啦，我見到有一個牛嘅雜錦pho，令我諗起喺Sydney越南區食嘅「pho特別」配料又係有晒牛丸牛肉等，好豐富於是我地就叫左呢個嘞
然後我地仲叫左越式雞煲，重慶麻辣雞煲香港就周街都係，一於試返個越式嘅睇下咩味
我周同班friend好拆得架，我地仲叫左炒通菜飲品就叫椰青，同埋一個滴漏咖啡。
好，講下啲食物質素如何先：
What the pho雜錦越式河：呢個pho真係夠曬特別，有澳洲和牛同日本和牛啦，牛舌，仲有牛丸，我想講用料真係好新鮮，肉質鮮，特別要讚下個牛丸，唔係一般街邊凍肉店果種，係手打仲保持到少少牛肉質感嘅果種牛丸。而且好用心，個河粉黎到佢地先加湯，保持到牛肉嫩度。但我覺得香料同芽菜可以多啲，希望可以提供海鮮醬呢個整體我俾7.5/10分
越式雞煲：睇樣子，佢同一般麻辣雞煲相差不大，食落好重好重香茅同薑味，有啲酸酸地類似蕃茄味？味道幾好有層次，仲有微麻辣，我俾7/10分。
炒通菜：一個正常炒通菜，加了炸到好香嘅蒜蓉，但唔夠咸，我俾6/10分。
呢餐我同朋友每人食左200左右，
個雞煲可以因應人數2人或3-4人叫唔同份量。
如果鍾意食越南菜嘅人，都可以試下，因床呢到會有啲出面未必有嘅菜式
Post
