Video
Read full review
2017-04-29
1326 views
試完《芊彩餐廳》之後，第2站賴先生同屈小姐黎到既係《探索酒店》既中菜廳 - 《雲龍軒》，根據經理既講述，餐廳會提供自助餐（早及午），但午餐只限於星期六，日及公眾假期，呢度仲有間獨立既廂房提供比私人客戶。最特別嘅係呢間新酒店嘅迪士尼人物仲會同食客有互動體驗，而其他兩間酒店係唔會有架，！（賴先生心諗：唔通米妮會餵人食野？經理話要賣個關子，想知就下次真正開幕之後再入尼住啦）就餐廳裝修而言，可謂獨匠心裁，未踏入餐廳前，已經比眼前的天燈吊燈所吸引，相信夜晚睇真係會超靚，而餐廳中央天花吊左2條龍，別有中國氣息，而外面亦有一個有多國色彩既噴水池連花園，用餐時美景相伴，能與食物互相輝映，用餐後作散步，十分愜意坐下先奉上一杯香氣四溢既鐵觀音，不錯不錯，茶味既甘香，又可作為每道菜間既分隔第一道奉上既係瑤柱鮑魚海呼盅：⭐️⭐️⭐️🌥3.5星就相中可見，用料的確講究，有原隻鮑魚，原粒瑤柱及花菇，同西蘭花原隻鮑魚：炆得夠淋入味，肉質爽甜彈口！而淡淡既金華火腿味亦滲入鮑魚肉中，出色呢個值5粒星架！原粒花菇：厚肉彈牙！對得上酒店中菜廳名號！唔錯！原粒瑤柱：蒸得岩岩好，唔會太難嚼亦不會蒸散粒瑤柱，火喉控制得宜，只可惜中心位
就餐廳裝修而言，可謂獨匠心裁，未踏入餐廳前，已經比眼前的天燈吊燈所吸引，相信夜晚睇真係會超靚，而餐廳中央天花吊左2條龍，別有中國氣息，而外面亦有一個有多國色彩既噴水池連花園，用餐時美景相伴，能與食物互相輝映，用餐後作散步，十分愜意
坐下先奉上一杯香氣四溢既鐵觀音，不錯不錯，茶味既甘香，又可作為每道菜間既分隔
瑤柱鮑魚海味盅
83 views
0 likes
0 comments
第一道奉上既係瑤柱鮑魚海呼盅：⭐️⭐️⭐️🌥3.5星
就相中可見，用料的確講究，有原隻鮑魚，原粒瑤柱及花菇，同西蘭花
原隻鮑魚：炆得夠淋入味，肉質爽甜彈口！而淡淡既金華火腿味亦滲入鮑魚肉中，出色呢個值5粒星架！
原粒花菇：厚肉彈牙！對得上酒店中菜廳名號！唔錯！
原粒瑤柱：蒸得岩岩好，唔會太難嚼亦不會蒸散粒瑤柱，火喉控制得宜，只可惜中心位太咸⋯所以要扣番一粒星
西蘭花：為3道濃味野作結就岩岩好，夠晒清甜！
花雕蛋白蒸花尾龍躉球
72 views
0 likes
0 comments
第2道奉上係花雕蛋白蒸花尾躉球 ：⭐️⭐️⭐️3星
實話實說，龍躉球味道較清淡，不宜以花雕蛋白清蒸，帶不出魚味！反之配以南瓜清蒸加點豉油或薑蔥炒球更佳！
而且蒸得有點過火，魚肉不夠挺身彈口。
花雕蛋白只有滑溜口感而花雕酒香及甜味亦不足，要改善
雲龍軒炒飯
80 views
0 likes
0 comments
第3道奉上既係雲龍軒炒飯：⭐️⭐️⭐️⭐️⛅️4.5星
既然能冠以餐廳名字作命名，相信係餐廳既得意之作，而結果亦合乎預期！（而且係全晚最好食既一道菜）
雲龍軒炒飯用料名貴，有蟹肉絲，炸瑤柱絲，龍蝦肉，黑松露及咸蛋黃！每樣用料都不吝嗇，超多嫁！
啖啖咸蛋香味配蟹肉鮮甜味，而且有微微黑松露香氣，好食！ 而且廚師功架一流，炒得粒粒乾身分明而不油！的確厲害
整體感覺：環境同服務唔錯，假若自助餐亦能保持本日質素，相信可以一戰！而雲龍軒炒飯亦值得一試
#價錢不詳
#坐隔離可以密密傾
#多謝Openrice
#有妳相伴特別美味
#純粹靠食物質素及環境比分
#毫無額外加分
Post
