火鳳凰火鍋料理 (Closed)

係太平道呢間火鳳凰火鍋料理琴晚我朋友帶我去，試過真係一試難忘，真係好吾錯，又得打邊爐又有得唱K，野食又正，服務又好，價錢又合理，而且又開到零晨12點，真心推介。到達後環境安靜舒服，就算有唱k房都不會影響出面食野環境，menu都好多食物揀，雞煲，就咁打邊爐，海鮮樣樣齊，而且用料非常新鮮，全部都食到我lamlam脷啊。我地嗌左個霸王藏嬌窩，是三黃雞南瓜雞湯嘅湯窩，湯超好飲，好鮮甜，又冇味精，之後點了個海鮮拼盤，超厲害，好大盤，有大蟶子，大元貝，海蝦，鮑魚，蠔，翡翠螺，全部都好新鮮美味，又洗得乾淨冇沙，鮑魚又擦得好白，鮮甜好食。之後仲點左份雞子，其實吾多店舖有得嗌雞子，佢價錢好合理，先幾十元，大大粒好多粒就上碟，好鮮味好食，之後一定要加菜同烏冬，因為個湯底實在太正，令到最後食嘅菜同烏冬吸晒d海鮮同雞湯嘅精華，超好食，而家諗返都流口水！最後每人賣單都只係三百左右，好抵啊見有房可以book同唱k嘅，下次多人book間房玩都應該很正。