橫浜街場 (Closed)

今日約左朋友係旺角食飯，中意打邊爐既我，今日當然品例外，都係打邊爐啦！上OpenRice 搵左一陣，比我地搵到呢間橫浜街場。呢間火鍋店既賣點係，木桶噴泉火鍋😱😱平時打邊爐都係用傳統既煲，用木桶黎打邊爐都真係第一次，所以覺得好似幾得意咁，有別於一般既火鍋店，於是就去試下🤤🤤。一坐低，個環境好舒服，而且座位好寬闊。一d都唔迫，而且地方好新淨，又唔會好大油煙味！湯底我地揀左個‘‘超甜粟米蕃茄湯’’，湯底如同其名，真係超甜！！ 而且成個湯底好多栗米同蕃咁茄，非常足料👍🏾唔錯首先我地叫左‘‘肥大肉蟹’’，好多肉，仲好多膏，而且蟹既鮮味香濃，真心好味🤤🤤 我地仲叫左‘‘魷魚筒’’，一客有6條，但每一條都係大大條，而且精瑩通透，就算碌完之後條魷魚🦑都唔會縮好多😊而且一樣都係好新鮮！正！😚最後我地仲每人叫左一份‘‘海鮮拼盤’’，呢個係2人份量，當中有鮑魚、蝦、扇貝，每一款海鮮都有2樣，全部都好新鮮😋超鮮甜！！鮮蝦爽口而且大大隻，差唔多有成隻手掌咁多😱😱😋😋鮑魚都唔弱，非常爽口，而且好腍嫩食完呢餐海鮮盛宴真心滿足，所有海鮮都好食鮮，而且一d都唔貴😆