風雲丸

Open Now

Now Closed

拉麵隨處都可以搵到、見到，但係好食既沾麵呢？有日去開𣴒沙咀，行過K11 Mall，發現角落有間拉麵店，以為只係就咁一碗碗拉麵，再細睇餐牌，原來有沾麵架喎。叫餐係要用手機，自助點完，即時要手機比錢埋單，先叫做成功落單，過一陣就會送過來。萬一比錢唔成功，都可以走去收銀處叫店員幫手既。點左石燒濃厚豚骨魚介沾麵，再加份炸雞。麵既份量可以喺手機落餐時揀埋。上菜時，熱辣辣，石鍋裝住既湯出晒煙，小心燙手！唔洗擔心驚唔知點食，枱面會有張貼紙教你每個步驟。一路食，湯一直保持住果份熱度，同埋濃郁既魚味，好吃～餐廳唔算大，如果打算同朋友去食，有機會旁邊就係陌生人。反而對獨自去食麵既幾friendly。