Video
Read full review
2020-02-27
45 views
最近疫情嚴重，如非必要都係唔好出咁多街，不過朋友都係要見嘅，間唔中見一次好啦。我哋就揀咗喺銅鑼灣嘅Fashion walk，鋪頭呢度有室內同室外嘅空間啊，幫手將啲客人分流，而且店員亦都會好用心咁樣安排客人隔枱坐，亦都附上消毒濕紙巾，食嘢食之前再清潔多一次咁就夠晒乾淨啦。我哋嗌左四個嘢食加一支手工啤：明太子玉子燒，炸芝士角，壽喜燒牛肉烏冬，炭燒親子丼同埋一個抹茶紅豆布甸。手工啤我哋就揀咗來自紐西蘭嘅Apple crumble。兩款小食都夠晒開胃，首先個玉子燒夠晒大嚿入面包住明太子非常之多餡，黎到嘅時候已經幫我地切開咗，啲餡流晒出嚟夠晒吸引。玉子只唔會太鞋，食落口又甜甜地而且夠滑。炸芝士個就最鍾意佢配嘅嗰一個醬料。新鮮滾熱辣啱啱好咋好就拎上嚟，正。兩個煮食都好快就送到上嚟，壽喜燒牛肉烏冬嘅湯底非常之濃郁，配埋烏冬同牛肉一齊放入口，令到牛肉嘅味道更加豐富。但係我都係比較鍾意食另一個親子丼，比起傳統只係得蛋同埋雞肉，佢另外在放咗野菌，夠晒豐富，而且雞肉非常多汁，每一啖飯都有好多湯汁，配埋餸唔經唔覺好快就食完啦，非常之開胃。抹茶布甸抹茶味好香濃，配埋紅豆，唔會話甜到阿媽都唔認得，布甸亦都比較硬身
我哋就揀咗喺銅鑼灣嘅Fashion walk，鋪頭呢度有室內同室外嘅空間啊，幫手將啲客人分流，而且店員亦都會好用心咁樣安排客人隔枱坐，亦都附上消毒濕紙巾，食嘢食之前再清潔多一次咁就夠晒乾淨啦。
我哋嗌左四個嘢食加一支手工啤：明太子玉子燒，炸芝士角，壽喜燒牛肉烏冬，炭燒親子丼同埋一個抹茶紅豆布甸。手工啤我哋就揀咗來自紐西蘭嘅Apple crumble。
兩款小食都夠晒開胃，首先個玉子燒夠晒大嚿入面包住明太子非常之多餡，黎到嘅時候已經幫我地切開咗，啲餡流晒出嚟夠晒吸引。玉子只唔會太鞋，食落口又甜甜地而且夠滑。炸芝士個就最鍾意佢配嘅嗰一個醬料。新鮮滾熱辣啱啱好咋好就拎上嚟，正。
兩個煮食都好快就送到上嚟，壽喜燒牛肉烏冬嘅湯底非常之濃郁，配埋烏冬同牛肉一齊放入口，令到牛肉嘅味道更加豐富。但係我都係比較鍾意食另一個親子丼，比起傳統只係得蛋同埋雞肉，佢另外在放咗野菌，夠晒豐富，而且雞肉非常多汁，每一啖飯都有好多湯汁，配埋餸唔經唔覺好快就食完啦，非常之開胃。
抹茶布甸抹茶味好香濃，配埋紅豆，唔會話甜到阿媽都唔認得，布甸亦都比較硬身，唔會軟林林，一筆落去就爛晒。面頭仲搭配左忌廉增加口感。
Apple crumble手工啤絕對有5**，有好香濃嘅蘋果香味，而且我覺得有一陣陣淡淡的木頭香，有一下合埋眼我以為自己身處一間木屋度添啊。就算唔鍾意飲酒嘅朋友，都可以試吓由呢一款開始，因為容易入口又唔重酒味，十分之推介。
Post
