麻辣娘子 (形薈) (Closed)

星期日等男朋友收工已經好晏，附近冇咩選擇，就拿拿臨揸車去附近食呢間川菜 之前路過，覺得門面唔錯已經想試，加上男朋友好鍾意食酸菜魚，所以冇搵其他選擇就入左去。 裝修幾靚，位置寛闊，坐得幾舒服，可惜覺得有少少焗，可能就收工，加上夜左冇乜食客，冇乜冷氣 餐牌係手機落單，好方便，可以自己揀走芫茜走蔥，不過其實揀左可能廚房搞錯左日基本上都冇成功走到。 但酸菜魚我覺得一般，完全唔酸，而且手多多禁左加麻，完全唔夾，唔係咁啱自己口味。加上個魚片太腍，且冇魚味，令我覺得好一般。不過勝在佢配料多，有雲耳豆卜芽菜仲有至愛既寛粉，所以都好滿足。 麻婆豆腐，整得好惹味，好鍾意佢啲肉碎同菜脯一齊 整體黎講，有裝修坐位寛敞，價錢合理，食物質素幾好，而且上菜熱辣辣，加上附近冇乜好食啲既川菜館，係一個好好既用餐體驗。